لانبي بعدي
خود ميرے نبي نے بات يہ بتا دي ، لانبي بعدي
ہر زمانہ سن لے يہ نوائے ہادي ، لانبي بعدي
لمحہ لمحہ اُن کا طاق ميں ہوا جگمگانے والا
آخري شريعت کوئي آنے والي اور نہ لانے والا
لہجۂ خدا ميں آپ نے صدا دي، لانبي بعدي
تھے اصول جتنے اُن کے ہر سخن ميں نظم ہو گئے ہيں
ديں کے سارے رستے آپ تک پہنچ کر ختم ہو گئے ہيں
ذات حرفِ آخر ، بات انفرادي، لانبي بعدي
ارتقائے عالم کر ديا خدا نے صرف نام اُن کے
اُن کي خوش نصيبي جن کے ہيں وہ آقا ، جو غلام ان کے
گونجے وادي وادي آپ کي منادي، لانبي بعدي
اُن کے بعد اُن کا مرتبہ کوئي بھي پائے گا نہ لوگو
ظلي يا بروزي اب کوئي پيمبر آئے گا نہ لوگو
آپ نے يہ کہہ کر مہر ہي لگا دي ، لانبي بعدي
مصنف: مظفر وارثي
شعبہ تحرير و پيشکش تبيان
متعلقہ تحريريں:
پيغمبراکرم (صلي اللہ عليہ و آلہ وسلم) پيکر صلح و رحمت
