دانتوں کی صفائی میں مددگار قدرتی نسخے
سفید دانتوں کی چمک سے اپنی مسکراہٹ کو جگمگانا کس کی خواہش نہیں ہوتی اور لاتعداد افراد اس مقصد کے لیے ہزاروں روپے ڈینٹسٹ کو دے کر ان کی صفائی بھی کرواتے ہیں مگر ناکامی کا سامنا کرنا پڑتا ہے۔
سفید دانتوں کی چمک سے اپنی مسکراہٹ کو جگمگانا کس کی خواہش نہیں ہوتی اور لاتعداد افراد اس مقصد کے لیے ہزاروں روپے ڈینٹسٹ کو دے کر ان کی صفائی بھی کرواتے ہیں مگر ناکامی کا سامنا کرنا پڑتا ہے۔
تو اس کا جواب بظاہر تو آسان ہے اور وہ ہے زیادہ برش کرنا، مگر یہ کام اتنا بھی آسان نہیں۔
سب سے پہلے تو یہ جان لیں کہ دانتوں کی سفیدی کی دو اقسام ہوتی ہے بیرونی اور اندرونی۔
پہلی قسم میں دانتوں کے داغ دور کرکے سفیدی کو بحال کیا جاتا ہے یا اصل شکل میں واپس لایا جاتا ہے جبکہ دوسری قسم میں قدرتی سے زیادہ سفیدی لانے کی کوشش کی جاتی ہے۔
اگر آپ بھی ایسا چاہتے ہیں تو ان آسان طریقوں کو فوری اپنالیں۔
بیکنگ سوڈابیکنگ سوڈا قدرتی ریگ مال کے طور پر استعمال کیا جاسکتا ہے اور دانتوں کی سفیدی بحال کردیتا ہے۔ ایک کھانے کے چمچ سوڈا اور چٹکی بھر نمک کو مکس کریں اور گیلے ٹوتھ برش کو اس مکسچر میں ڈبو کر دانتوں پر معمول کے مطابق برش کرلیں۔
ایلو ویرا اور گلیسرینایک کپ پانی، آدھا کپ بیکنگ سوڈا، ایک چائے کا چمچ ایلو ویرا جیل، چار چائے کے چمچ ویجیٹیبل گلیسرین اور ایک چائے کا چمچ لیموں کا تیل لیں اور اپنے دانتوں پر اس مکسچر سے برش کریں، منٹوں کے اندر آپ کے دانت سفید، چمکدار اور صحت مند نظر آنے لگیں گے۔
مالٹے کے چھلکےمالٹا کھانے کے بعد اس کے چھلکوں کو اپنے دانتوں پر رگڑیں، جو کہ دانتوں کی سطح کو صاف کرنے کا بہت آسان طریقہ ہے، یہ دانتوں کی سفیدی بحال کرتا ہے جبکہ داغوں کی روک تھام اور بیکٹریا کے خلاف لڑتا ہے۔ چند منٹ تک رگڑنے کے بعد پانی سے کلیاں کرلیں۔
تلکچھ مقدار میں تلوں کو لیں، انہیں چند منٹ تک چبائیں اور تھوک دیں، یہ طریقہ دانتوں پر جمع ہونے والے پلاک کو نرمی سے ہٹا دیتا ہے۔ تل تھوکنے کے بعد خشک برش سے ان تلوں کو صاف کرلیں۔
سرکہدو چائے کے چمچ سرکہ، ایک چائے کا چمچ نمک اور چار اونس پانی لیں اور ان تینوں کو مکس کریں کرکے اس مکسچر سے کلیاں کریں، اس عمل کو کئی دن تک دہرائیں جو دانتوں کی سفیدی کو بحال کرنے میں مدد دے گا۔
منبع: ڈان نیوز
