آپ کا نسب نامہ
آپ کا پدری نسب نامہ یہ ہے محمد بن حسن بن علی بن محمد بن علی بن موسی ابن جعفر بن محمد بن علی بن حسین بن علی و فاطمہ بنت رسول اللہ صلی اللہ علیہ وآلہ وسلم، یعنی آپ فرزندرسول، دلبند علی اور نور نظر بتول علیھم السلام ہیں ۔ امام احمد بن حنبل کا کہنا ہے کہ اس سلسہٴ نسب کے اسماء ٴکو اگر کسی مجنون پر دم کردیا جائے تو اسے یقینا شفاحاصل ہو گی (مسندامام رضاص۷) آپ سلسہٴ نسب ماں کی طرف سے حضرت شمعون بن حمون الصفاٴ وصی حضرت عیسی تک پہنچتا ہے ۔ علامہ مجلسی اور علامہ طبرسی لکھتے ہیں کہ آپ کی والدہ جناب نرجس خاتون تھیں ، جن کا ایک نام ”ملیکہ“ بھی تھا ، نرجس خاتون، یشوعا کی بیٹی تھیں ، جو روم کے بادشاہ” قیصر“ کے فرزند تھے جن کا سلسلہٴ نسب وصی حضرت عیسی جناب شمعون تک منتہی ہوتا ہے ۔ ۱۳سال کی عمرمیں قیصر روم نے چاہا تھا کہ نرجس کا عقد اپنے بھتیجے سے کر دے لیکن بعض قدرتی حالات کی وجہ سے وہ اس مقصد میں کامیاب نہ ہو سکا، بالاخر ایک ایسا وقت آگیا کہ عالم ارواح میں حضرت عیسی ، جناب شمعون حضرت محمد مصطفی ، جناب امیرالمومنین اور حضرت فاطمہ بمقام قصر قیصر جمع ہوئے ، جناب سیدہ نے نرجس خاتون کو اسلام کی تلقین کی اور آنحضرت -ص- نے بتوسط حضرت عیسی جناب شمعون سے امام حسن عسکری کے لئے نرجس خاتون کی خواستگاری کی، نسبت کی تکمیل کے بعد حضرت محمد مصطفی -ص- نے ایک نوری منبر پر بیٹھ کر عقد پڑھا اور کمال مسرت کے ساتھ یہ محفل نشاط برخواست ہوگئی جس کی اطلاع جناب نرجس کوخواب کے طور پر ہوئی، بالاخر وہ وقت آیا کہ جناب نرجس خاتون حضرت امام حسن عسکری کی خدمت میں آپہنچیں اورآپ کے بطن مبارک سے نور خدا کا ظہور ہوا۔ (کتاب جلاٴالعیون ص ۲۹۸ و غایۃ المقصود ص۱۷۵)۔
مھدی مشن ڈاٹ کام
متعلقہ تحریریں:
آپ کی کنیت
آپ کے القاب
آپ کاحلیہ مبارک
امام زمانہ کا قیام
حضرت مہدی کے انصار
سنت محمدی کو زندہ کرنا
قرآن اور حضرت امام مھدی علیہ السلام
حضرت امام مہدی علیہ السلام کے اصحاب
حضرت امام محمد مہدی علیہ السلام کی ولادت باسعادت
