برسات

برسات آئي

آنے لگي ہيں ٹھنڈي ہوائيں چھانے لگي ہيں اودي گھٹائيں

برسات آئي

آئيں گھٹائيں چھائيں گھٹائيں مينہ کي بہاريں لائيں گھٹائيں

برسات آئي

باغوں کو دھونے آئے ہيں بادل دريا اٹھا کر لائے ہيں بادل

برسات آئي

يہ ہلکي ہلکي مينہ کي پھواريں يہ پتلي پتلي پاني کي دھاريں

برسات آئي

بر کھا کي رت ہے کيسي سہاني چاروں طرف ہے پاني ہي پاني

برسات آئي

سر سبز شاخيں کيا جھومتي ہيں جھک کر زميں کا منہ چومتي ہيں

برسات آئي

کيا بھيني بھيني ٹھنڈي ہواہے چڑيوں کي کيسي ميٹھي صدا ہے

برسات آئي

جنگل ميں ہے کيا سبزہ لہکتا پھولوں کي بو سے بن ہے مہکتا

برسات آئي

آموں کو ديکھو کيسے لدے ہيں آموں کے رسيا نيچے کھڑے ہيں

برسات آئي

مل جل کے آۆ کھيليں نہائيں باغوں ميں چل کر جھوليں جھلائيں

برسات آئي

شاعر کا نام : اختر شيراني

پيشکش: شعبہ تحرير و پبشکش تبيان

متعلقہ تحريريں: