ایشیائی نژاد افراد میں ذیابیطس زیادہ

ذیابیطس یو کے کی ڈاکٹر وکٹوریا کنگ کا کہنا ہے کہ اس وقت سامنے آنے والے نتائج مستقبل میں اس طرح کی تحقیق کی بنیاد بن سکتے ہیں۔ حالیہ تحقیق سے سامنے آیا ہے کہ ایشیائی نژاد برطانوی شہریوں میں ٹائپ ٹو ذیابیطس کے کیس سامنے آنے کا امکان زیادہ ہوتا ہے۔

گلاسکو یونیورسٹی میں ہونے والی ایک تحقیق میں کہا گیا ہے کہ ایشیائی نژاد افراد کے پٹھے ایسے ہوتے ہیں جو یورپی باشندوں کی نسبت کم چکنائی کو استعمال میں لاتے ہیں۔

تحقیق کے مطابق اس کی وجہ سے ایشیائی افراد کے پٹھوں کے چکنائی اور چربی کم جلانے کی وجہ سے ان میں ذیابیطس کی بیماری ہونے کے امکانات بہت بڑھ جاتے ہیں۔

تحقیق سے پہلے ہی یہ بات سامنے آ چکی ہے کہ مغربی ملکوں میں بسنے والے ایشیائی نژاد افراد میں موٹاپے اور ٹائپ ٹو ذیا بیطس ہونے کے امکانات زیادہ ہوتے ہیں۔

تحقیقاتی ٹیم کے سربراہ ڈاکٹر جیسن گِل کا کہنا ہے کہ ان کی تحقیق سے ایسے نتائج سامنے آئے ہیں کہ ایشیائی نژاد افراد کے پٹھوں میں چکنائی کو ایندھن کی طرح جلانے کی صلاحیت یورپی افراد کی نسبت کم ہوتی ہے۔

’دوسرے لفظوں میں اگر ایک ایشیائی نژاد فرد اور ایک یورپی شخص اگر ایک جیسی ورزش کریں تو ایشیائی فرد کے پٹھے کم مقدار میں چکنائی جلائیں گے جس سے اسے ذیابیطس کا مرض لاحق ہونے کا امکان زیادہ ہوتا ہے۔

تاہم انہوں نے کہا کہ اگر وہ باقاعدگی سے ورزش کریں تو وہ اس خطرے کو کم کر سکتے ہیں۔

ذیابیطس یو کے کی ڈاکٹر وکٹوریا کنگ کا کہنا ہے کہ یہ تو سب کو معلوم تھا کہ ایشیائی نژاد افراد کو شوگر ہونے کا امکان دیگر برطانوی شہریوں کے مقابلے میں چھ گنا زیادہ ہوتا ہے۔

انہوں نے بتایا کہ اس وقت سامنے آنے والے نتائج مستقبل میں اس طرح کی تحقیق کی بنیاد بن سکتے ہیں۔

اس سے پہلے ہونے والی ایک تحقیق سے سامنے آیا تھا کہ ٹائپ ٹو ذیا بیطس کو کنٹرول نہ کرنے کی صورت میں ذہن پر اس کے منفی اثرات مرتب ہوتے ہیں۔

بشکریہ بی بی سی اردو ڈاٹ کام

متعلقہ تحریریں :

ڈینگی بخار خطرناک ہے ، احتیاط کریں اس سے پہلے کہ دیر ہو جاۓ

آنکھوں کی حفاظت کے لیۓ عینک کا استعمال

پتلے اور موٹے جسم پر پانی کے اثرات

بچوں کی نیند کے متعلق چند غلط فہمیاں

بچوں کی نیند کے متعلق چند غلط فہمیاں ( حصّہ دوّم)

گٹھیا (rheumatoid arthritis ) کی بیماری

گٹھیا (rheumatoid arthriti) کی علامتیں

زچہ و بچہ کی صحت اور مڈوائف

زچہ و بچہ کی صحت اور مڈوائف (حصّہ دوّم)

زچہ و بچہ کی صحت اور مڈوائف (حصّہ سوّم)