ايران کے ريڈيو ٹيليويژن کے نئے سربراہ کا انتخاب

رہبرانقلاب اسلامي حضرت آيۃ اللہ العظمي سيد علي خامنہ اي نے ڈاکٹر محمد سرفراز کو اسلامي جمہوريہ ايران نشرياتي ادارے آئي آر آئي بي کا سربراہ معين فرمايا ہے- رہبرانقلاب اسلامي کے حکم ميں آيا ہے کہ ايران کے ريڈيو اور ٹي وي کے ادارے کے کاندھوں پر ثقافتي خود مختاري اور اسلامي انقلاب کے تحفظ کي تاريخي ذمہ داري ہے- آپ نے تاکيد کے ساتھ فرمايا ہے کہ آئي آر آئي بي، رائے عامہ کے افکار و ثقافت کي ہدايت و مديريت کي سنگين ذمہ داري کي حامل ہے اور يہ ايک، عام يونيورسٹي کي طرح ہے جس کے فرائض ميں ايراني قوم کے درميان دين، اخلاق، اميد، آگاہي اور اسلامي ايراني طرز زندگي کو فروغ دينا شامل ہے- رہبرانقلاب اسلامي حضرت آيۃ اللہ العظمي سيد علي خامنہ اي نے اپنے حکم ميں فرمايا ہے کہ آئي آر آئي بي، ايک ايسا ادارہ ہے جو ملک کي ترقي کے عمل کو بھرپور طرح سے آگے بڑھاتا ہے- آپ نے فرمايا کہ قوم کو ميدان ميں لانے کے لئے ہمہ گير اور جدت پسندي پر مشتمل کوششيں کرنا، ملک ميں اسلامي نظام کے اہداف کے حصول اور دراز مدّت پاليسيوں پر عمل درآمد ميں مدد کرنے کے لئے حکومت کي مدد کرنا بھي، آئي آرآئي بي کي ذمہ داري ہے- رہبرانقلاب اسلامي نے آئي آر آئي بي کے سابق سربراہ عزت اللہ ضرغامي کي خدمات کو بھي سراہا- قابل ذکر ہے کہ اس سے قبل ڈاکٹر محمد سرفراز، آئي آر آئي بي کي ايکسٹرنل سروسيز کے سربراہ کي حيثت سے اپنے فرائص انجام ديتے رہے ہيں-

متعلقہ تحریریں:

ايران، تعلقات کے فروغ کے لئے فرانس کے نئے رحجان کا خيرمقدم

ايران يمن ميں انصار اللہ کي جد جہد کي حامي ہے