قديم ايراني زبان
فارسي زبان اور اس کے اثرات(حصّہ اوّل)
فارسي زبان اور اس کے اثرات(حصّہ دوّم)
فارسي زبان اور اس کے اثرات(حصّہ سوم)
اگر ايراني ادبيات کي تاريخ ہخامنشي دور سے شمار کي جاۓ تو کوئي ڈھائي ہزار سال سے يہ وطن نظم و نثر ميں ادبي آثار کا حامل نظر آتا ہے- موجوده فارسي کي اصل و بنياد جن قديم زبانوں سے ملتي هے،ان ميں سے ايک فارسي باستان هے.جو ايران ميں هخامنشيوں کے زمانہ سلطنت 559-330 ق.م ميں سرکاري زبان تهي . يه زبان خط ميخي ميں لکهي جاتي تهي .اس زبان کے آثار پتهر پر کنده کتبوں ،پتهروں،سونے چاندي کي تختيوں،رنگينوں اور برتنوں پر کندے هوے ملتے هيں. سب سےبڑا کتبه وه هے جو کوه بيستون پر ہے- وہ تين قسم کے خط ميخي ميں اور تين مختلف زبانوں يعني فارسي باستان ،بابلي اور ايلامي ميں کنده هے. اس زبان کا قديم ترين نمونه وه هے جو چند چهوٹے چهوٹے جملوں پر مشتمل هے اور دشت مرغاب(فارس) ميں دستياب هے اور کوروش سے متعلق هے. فارسي باستان کا جديد ترين نمونه تخت جمشيد ميں موجود هے. خط ميخي عيسوي سن کے آغاز سے پهلے هي ناپيد هو گيا اور اس کي جگه خط آرامي نے لے لي.
اوستايي:
وه زبان هے جو زرتشتيوں کي کتاب مقدس اوستا کي زبان هے. مورخوں کا خيال يه هے کہ يه زبان بهي ايراني الاصل هے اور موجوده فارسي کي اصل و بنياد شمار هوتي هے. يه زبان کئي لحاظ سے فارسي باستان سے مشابه هے. يقين سے نهيں کها جا سکتا که يه زبان کهاں بولي جاتي تهي . شمال مغرب آذربايجان ميں جو زرتشت کي جائے پيدايش تهي يا شمال مشرق يعني بلخ ميں جهاں زرتشت نے گشتاسپ کے پاس پناه لي. يه زبان جس خط ميں لکهي جاتي تهي تاحال اس کا کوئي سراغ نهيں ملا. اوستا جس خط ميں لکهي گئي هے وه خط آرامي سے ماخوذ هے. اور ساسانيوں کے عهد ميں وضع کيا گيا تها. زبان اوستايي دنيا کي قديم ترين زبانوں ميں شمار هوتي هے اور سنسکريت اور ويدکوں کي زبان کے هم پله هے. تاريخي اعتبار سے زرتشت کا زمانه پندره سو سال قبل مسيح سے کمتر نهيں هو سکتا گويا يه زبان تقريبا تين هزار سال پراني هے يعني موجوده فارسي الفاظ کي سند تين هزار سال پهلے کي زبان ميں موجود هے. اشکانيوں اور ساسانيوں کے زمانوں ميں زبان اوستا متروک هو چکي تهي. اس لئے خيال پيدا هوا که نئے خط ميں اس کو محفوظ کر ليا جائے تا که دستبرد زمانے سے محفوظ ره جائے ليکن وقت کي زبانوں يعني پهلوي اشکاني اور پهلوي ساساني کےمروجه رسم الخط بر ناقص اور پيچيده تهے اور ان کا درست پڑهنا غير يقيني تها.(14)
پهلوي کو فارسي وسطي يا فارسي ميانه بهي کهتے هيں . اس ميں اور موجوده فارسي ميں کوئي زياده فاصله نهيں هے. يه سرزمين پارت کي زبان تهي. يه پارت وهي مقام هے جو فارسي باستان ميں پرثوه parthava)) تها. اس کا نام هخامنشيوں کے کتبوں ميں مذکور هے. پرثو سے مراد موجوده خراسان هے .پهلوي اقوام پارت کي زبان تهي. اشکانيوں کا خاندان بهي اسي قوم ميں سے تها. اس لئے پهلوي بهي ان کي سرزمين پرثو سےمنسوب هوئي. پرثو سے پرتو ،پرهو،پلهو بنا اور بعد ميں پهلو هو گيا. پارتهيوں کے بعد پهلوي اشکانيوں اور ساسانيوں کے دوره سلطنت کي رسمي زبان شمار هوتي رهي . اشکاني پهلوي ،آذربايجان ،؛خراسان،اصفهان،کردستان،سواحل غربي بحرخزر اور ارمنستان ميں رائج تهي . اور ساساني پهلوي جنوب و مغرب ايران ميں درباري زبان رهي . اس کو فارسي ميانه اس لئے کهتے هيں که يه زبان هخامنشيوں کے اختتام اور اسلام کے آغاز کے درمياني عرصه کي رائج زبان رهي يعني 250 قبل مسيح سے لے کر 651 عيسوي تک يعني خاندان اشکانياں کے بادشاه اول اشک کے عهد سلطنت سے ساسانيوں کے آخري بادشاه يزد گرد سوم کے قتل تک اس زمانے کے بعد بهي تيسري چوتهي صدي هجري تک اس زبان ميں کتابيں لکهي گئيں- (ختم شد)
تحرير: عروج فاطمہ
پيشکش: شعبۂ تحرير و پيشکش تبيان
متعلقہ تحریریں:
فارسي دري کس طرح وجود ميں آئي؟
ايران ميں آئينے سے عمارت کي سجاوٹ
