ايٹمي مذاکرات، روس کي حمايت

روس کے وزير خارجہ سرگئي لاوروف نے ايراني صدر ڈاکٹر حسن روحاني کے جوہري رويہ کي حمايت کرتے ہوئے کہا ہے کہ روس اس بات پر پوري طرح متفق ہے کہ تہران کے ايٹمي موضوع کو پرامن طريقے سے حل کيا جائے-

انہوں نے روم ميں کہاکہ ہميں اسے دوسري مسائل کي طرح حل کرنے کي ضرورت ہے-روسي وزير خارجہ سرگئي لاوروف نے کہا کہ ايران کي قابل قدر تجاويز کي حمايت کرنا ناگزير ہے-

روسي وزير خارجہ نے گروپ 5 +1 کے ديگر ارکان سے نئے ايراني انتظاميہ کے رويہ کي حمايت کرنے کي اپيل کي-

واضح رہے کہ ايراني صدر نے حکومت سنبھالنے کے بعد پہلي بار کل ايک پريس کانفرنس ميں نامہ نگاروں سے خطاب کرتے ہوئے ملک کے جوہري توانائي کے پروگرام کے موضوع پر سنجيدہ مذاکرات کے لئے ايران کي آمادگي کا اعلان کيا-ڈاکٹر روحاني نے کہا کہ ہم وقت ضائع کيے بغير بامعني اورسنجيدہ مذاکرات کے لئے تيار ہيں اور اگر ہمارے سامنے والا فريق بھي اسي طرح تيار ہو تو ہميں يقين ہے کہ دونوں فريقوں کي تشويش مذاکرات سے دور کي جا سکتي ہے-

متعلقہ تحریریں:

رہبر انقلاب اسلامي کي جانب سے عہدۂ صدارت کي توثيق

مصر کے حالات انتہائي دردناک، رہبر انقلاب اسلامي