سورہ یوسف  ۔ع۔ (31) ویں  آیت کی تفسیر

بسم اللہ الرّحمن الرّحیم

عزیزان محترم !

مرسل اعظم (ص) اور ان کے اہلبیت مکرم علیہم السلام پر درود و سلام کے ساتھ الہی تعلیمات سے آشنائی کا ذوق رکھنے والوں کے لئے آسان و عام فہم تفسیر کے سلسلہ وار پروگرام پیام قرآن میں ہماری گفتگو حضرت یوسف علیہ السلام کی داستان سے تعلق رکھتی ہے۔

سورۂ یوسف کی اکتیسویں آیت میں خدا فرماتا ہے :

عزیزان محترم ! اس سے پہلے عرض کیا جا چکا ہے کہ مصر کی عورتوں نے یہ سننے کے بعد کہ عزیز مصر کی بیوی اپنے غلام کے حسن پر فریفتہ ہے اور اسے اپنی آبرو کی بھی فکر نہیں رہ گئی ہے زلیخا کو طعن و تشنیع اور سرزنش کا نشانہ بنایا کہ ایک غلام رعنا کے لئے اپنے وقار کو داؤں پر لگادینا " کھلی گمراہی " نہیں تو اور کیا ہے لیکن قرآن نے ان کے اس عملی کو مکر و حیلے سے تعبیر کیا ہے کیونکہ ان کے یہاں اس طعن و تشنیع کے پردے ہیں جلن کا عنصر غالب تھا اور وہ خود بھی دیکھنا چاہتی تھیں کہ یہ جوان کون ؟ اور کیسا ہے کہ جس کے چکر میں آ کر " زلیخا" بے قابو ہوگئی اور اس نے اپنے مقام و رتبے کا بھی خیال نہیں رکھا ۔

 جب ایک جھلک میں تمہارا یہ عالم ہو گیا تو سوچو میں نے کس طرح خود پر قابو رکھ کر ایک عمر ان کے ساتھ بسر کی ہے ۔ البتہ آیت کے الفاظ سے پتہ چلتا ہے کہ مصر کی عورتیں خداشناس تھیں اور انہوں نے حسن یوسف (ع) دیکھ کر خالق حسن کی تعریف و ستائش کرتے ہوتے اعلان کیا کہ وہ خدا یقینا" ہر عیب سے منزہ ہے جس نے ایسا خوبصورت بشر پیدا کیا ہے جو بشر نہیں ملک کریم نظر آتا ہے ۔

                        اردو ریڈیو تہران