محرّم الحرام کی چوتھی تاریخ

 

4 محرّم سنہ 485 ھ۔ق کو بغداد کے مشہور ادیب ،شاعر،اور کاتب ابوالقاسم محمّد بغدادی کا انتقال ہوا ۔وہ ابن ناقیا کے نام سے مشہور تھے ۔ان کا شمار اہم شاعروں میں ہوا اور صاحب نظر شعرانے ان کی شاعری کی تعریف کی ہے ۔ابن ناقیا نے اپنے دیوان میں سماجی برائیوں  کو حکایت اور طنز کے انداز میں بیان کیا ہے ۔اس مسلمان دانشور کی ایک کتاب کا نام الجمان فی تشبیہات القرآن ہے ۔در اصل یہ تفسیر قرآن کی ایک قابل قدر کتاب ہے ۔اس کتاب میں قرآن کریم کی 226 آیات کی تفسیر کی گئی ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

4 محرّم سنہ 1264 ھ۔ق کو مراکش کے مسلمان شاعر ،کاتب اور وزیر ابوعبداللہ محمّد عمراوی فاسی کا انتقال ہوا ۔وہ ابن ادریس کے نام سے معروف ہیں ۔انہوں نے اپنی تعلیم کا آغاز حفظ قرآن سے کیا ۔وہ اپنی قابلیت کی وجہ سے مراکش کی حکومت میں وزیر کے عہدے پر فائز ہوئے ۔ابن ادریس نے الجزائر پر فرانس کی جارحیّت کے خلاف اپنے اشعار کے ذریعے مسلمانوں کو جہاد کی دعوت دی ۔ابن ادریس کے مخالفین نے شازشوں کے ذریعے مراکش کے سلطان کو بغاوتوں کا اصل ذمہ دار ابن ادریس کو سمجھا اور انہیں جیل میں ڈال دیا گیا ۔جیل میں ان کو سخت ایذائیں پہنچائی گئیں ۔جیل سے رہائی کے بعد ابن ادریس نے گوشہ نشینی اختیار کرلی ۔