اردو ادب ميں مرثيہ نگاري ( حصّہ دوازدھم )

مدراس کا مغل گورنر سعادت علي خان دکني زبان ميں مرثيہ لکھتا تھا انور خان صوبيدار کرناٹک کے زمانہ ميں ولي‘ سرور‘ مثنوي ميں مرثيہ کہتے تھے مدراس کي مجالس ميں واعظ کاشفي کي روضتہ الشہداء پڑھي جاتي تھي نواب انور خان کے صاحب زادہ‘ اس کے چار بيٹے اس خاندان سے گورنر مدراس ہوۓ - يہ سب شاعر مرثيہ گو تھے محمد باقر‘ غمگين‘ نامي‘ رفعت ‘ مشتاق‘ خاصے مشہور مرثيہ نگار تھے- والد جاہي خاندان ختم ہوا‘ مدراس کے شعرا حيدر آباد آگئے ذکي‘ ولد‘ رونق‘ جوش نواب حيدر حسن ان کے صاحب زادے حسين دوست‘ قديم جاگير دار گولکنڈہ کے خاندان سے حيرت شاگرد ميرزا دبير‘ اور رضا شاگرد اوج نے مرثيہ گوئي ميں بڑا نام پايا-

کلاسيکي عہد کے بعد شاعرِ مَشرق علامہ اقبال کي فکري و شعري دنيا ميں بھي کربلا کے شعوري سفر کو جنابِ ابراہيم تا جنابِ حسين جس لا محدود تناظر کے ساتھ سمجھايا گيا اس سے اردو ادب ميں کربلا شناسي کا فلسفہ ايک منفرد نظرياتي تحريک کي صورت ميں متعارف ہوا- اقبال کے بعد آج تک کے شعرائے اردو ميں بھي کوئي ايسا نام نہيں جس کا قلم کربلا کے اثرات سے محروم رہا ہو- جوش مليح آبادي، فيض احمد فيض، عبدالحميد عدم، احسان دانش ، ناصر کاظمي، استاد قمر جلالوي، سرکارِعلامہ رشيد ترابي،عابد علي عابد ، سيد ضمير جعفري، جون ايليا، رئيس امروہوي،شکيب جلالي،احمد نديم قاسمي، قتيل شفائي، احمد فراز، منير نيازي ، شير افضل جعفري، کيفي اعظمي، مصطفيٰ زيدي ، کيپٹن جعفر طاہر، مشير کاظمي،علامہ سيد شاد گيلاني، بيدل پاني پتي، علامہ طالب جوہري، سيف زلفي،وحيد الحسن ہاشمي، ڈاکٹر مسعود رضا خاکي ،قيصر بارہوي،افسر عباس افسر ،سجاد باقر رضوي، عديم ہاشمي ،مہندر سنگھ بيدي ،بيدل حيدري ، سيد محسن نقوي ، محسن احسان، پروين شاکر،فارغ بخاري، ڈاکٹر عاشور کاظمي، مشکور حسين ياد،افتخار عارف ، ريحان اعظمي، حسن رضوي، امجد اسلام امجد،عباس تابش ، زاہد فخري،سيد صفدر ہمداني ، ڈاکٹر خورشيد رضوي ،سبط جعفرزيدي ، شاہد نقوي، ريحان سرور، اختر چنيوٹي، زکي سرور کوٹي،صاحبزادہ رفعت سلطان،پيرنصير الدين نصير،ظفر سعيد ظفر، سيد نديم عباس شاد، قائم نقوي،سيد عقيل محسن نقوي، شوکت رضا شوکت، سيدعرفي ہاشمي، ڈاکٹر شبيہ الحسن ہاشمي،رميض حيدري اور ان کے علاوہ عہد حاضر کے بہت سے ديگر نامور اور گمنام تخليق کار ايسے ہيں کہ ان ميں سے چند ايک کا قلم تو مرثيہ و سلام نويسي کے ليے ہي مختص رہا - (ختم شد )

بشکريہ الحسنين ڈاٹ کام

متعلقہ تحریریں: