وطنيت

اس دور ميں مے اور ہے ، جام اور ہے جم اور

ساقي   نے   بنا  کي  روش  لطف  و  ستم  اور

مسلم   نے   بھي   تعمير   کيا   اپنا   حرم  اور

تہذيب   کے   آزر   نے   ترشوائے  صنم  اور

ان  تازہ  خداğ  ميں  بڑا  سب  سے وطن ہے

جو  پيرہن  اس  کا  ہے  ،  وہ مذہب کا کفن ہے

يہ    بت    کہ    تراشيدۂ    تہذيب    نوي   ہے

غارت     گر     کاشانۂ     دين     نبوي     ہے

بازو   ترا   توحيد   کي   قوت  سے  قوي  ہے

اسلام   ترا   ديس   ہے   ،  تو  مصطفوي  ہے

نظارۂ     ديرينہ     زمانے     کو    دکھا    دے

اے  مصطفوي  خاک ميں اس بت کو ملا دے !

ہو     قيد    مقامي    تو    نتيجہ    ہے    تباہي

رہ    بحر    ميں   آزاد   وطن   صورت   ماہي

ہے     ترک     وطن    سنت    محبوب    الہي

دے   تو   بھي   نبوت  کي  صداقت  پہ  گواہي

گفتار   سياست   ميں  وطن  اور  ہي  کچھ  ہے

ارشاد   نبوت   ميں   وطن   اور  ہي  کچھ  ہے

اقوام   جہاں   ميں   ہے  رقابت  تو  اسي  سے

تسخير   ہے   مقصود   تجارت   تو  اسي  سے

خالي  ہے  صداقت  سے  سياست  تو اسي سے

کمزور  کا  گھر  ہوتا  ہے  غارت  تو اسي سے

اقوام   ميں   مخلوق   خدا  بٹتي  ہے  اس  سے

قوميت   اسلام   کے  جڑ  کٹتي  ہے  اس  سے

شاعر کا  نام : علامہ محمد اقبال ( iqbal )

کتاب کا نام : بانگ درا  ( bang e dara )