جامعہ کراچی دھماکے میں ملوث دہشت گرد گرفتار

ابنا: اطلاعات کے مطابق اسپیشل انوسٹی گیشن یونٹ نے جامعہ کراچی میں امامیہ اسٹوڈنٹس آرگنائزیشن پاکستان کے کارکنوں پر دوران نماز ہونے والے بم دھماکے میں ملوث تین خطر ناک دہشت گردوںمحمد عمر ولد  میجر اسلم چوہدری،(طالب علم شعبہ فوڈ اینڈ سائنس)،حفیظ اللہ ولد نعمت اللہ (طالب علم شعبہ بین الاقوامی تعلقات،سال اول) اور محمد فیض جو کہ جامعہ کراچی کا طالب ریگولر طالب علم نہیں ہے کو گرفتار کر لیا ہے اور مبینہ طور پر ٹاؤن تھانے کے حوالے کر دیا ہے جہاں ان سے تفتیش جاری ہے۔

واضح رہے کہ 28دسمبر 2010ء کو جامعہ کراچی میں مین کیفے ٹیریا کے ساتھ دھماکہ اس وقت ہوا جب امامیہ اسٹوڈنٹس آرگنائزیشن پاکستان کے کارکنان نماز ظہرین کی ادائیگی کے لئے صفوں پر موجود تھے۔

اسی اثناء میں پہلے سے صفوں کے ساتھ نصب کیا گیا ایک بم زور دار دھماکے سے پھٹ گیا جس کے نتیجہ میں چار طالب علم شدید زخمی ہوئے تھے جن میں سے دو کی حالت تا حال نازک بتائی جا رہی ہے۔

یہ بات قابل غور ہے کہ تین دہشت گردوں میں سے ایک حفیظ اللہ ولد نعمت اللہ کا بڑا بھائی جو کہ خود بھی ایک مذہبی دہشت گرد طلباء تنظیم کا کارکن تھا ،چھ ماہ قبل وزیرستان میں ایک ڈرون حملے میں ہلاک ہوا تھا۔

شیعت نیوز