قطبي ريچھ کي فوٹوگيلري

یہ ریچھ ہی کی ایک قسم ہے جو کہ بحر منجمد شمالی اور اس کے اطراف میں پائی جاتی ہے۔ یہ زمین پر پایا جانے والا سب سے بڑا شکار خور جانور ہے، ایک بالغ نر کا وزن تقریباً 680-400 کلو گرام یعنی 1،500 سے 800 پاؤنڈ تک ہوتا ہے، جب کہ ایک مادہ کی قامت نر کے مقابلے میں آدھی ہوتی ہے۔ گو کہ یہ بھورے ریچھ سے بہت قریبی تعلق رکھتا ہے، تاہم موسم کے تغیرات کے سبب اس کے نسل میں بھی بڑی تبدیلی آئی ہے، یہ تبدیلیاں صرف خدوخال ہی میں نہیں بلکہ جسم میں بھی بہت سے تبدیلیاں آئیں ہیں جن کی بدولت سرد موسم کو برداشت کرنے والی جسم کی بناوٹ، کھلے پانی، برف اور منجمد سمندروں پر چلنے کی صلاحیت جو کہ اودبلاؤ کے شکار میں نہایت معاون و مددگار ہے، اودبلاؤ اس کی مرغوب خوراک ہے۔  یہ برف زدہ سمندروں میں بڑی مستقل مزاجی کے ساتھ شکار کرسکتے ہیں، قطبی ریچھ تقریباً سارا سال بحر منجمد میں رہتے ہیں، تاہم زیادہ تر قطبی ریچھوں کی پیدائش زمین پر ہوتی ہے۔ اس کو برفانی ریچھ اور سفید ریچھ بھی کہا جاتا ہے۔