مجرم اپنے چہروں سے پہچانے جائیں گے پھر وہ پیشانیوں اور پیروں سے پکڑے جائیں گے - پس تم دونوں اپنے رب کی کس کس نعمت کو جھٹلاؤ گے؟ یہ وہی جہنم ہے جسے مجرمین جھٹلاتے تھے . وہ جہنم اور کھولتے ہوئے انتہائی گرم پانی کے درمیان گردش کرتے رہیں گے

اے گروہ جن و انس ! اگر تم آسمانوں اور زمین کی سرحدوں سے نکلنے کی استطاعت رکھتے ہو تو نکل جاؤ، تم سلطنت و قہاریت کے بغیر نہیں نکل سکو گے . پس تم دونوں اپنے رب کی کس کس نعمت کو جھٹلاؤ گے؟ تم دونوں پر آگ کے شعلے اور چنگاریاں چھوڑی جائیں گی، پھر تم کامیاب نہیں رہو گے.

اور سمندر میں چلنے والے پہاڑوں کی طرح بلند جہاز اسی کے ہیں . پس تم دونوں اپنے رب کی کس کس نعمت کو جھٹلاؤ گے؟ روئے زمین پر موجود ہر چیز فنا ہونے والی ہے . اور صرف آپ کے صاحب عزت و جلال رب کی ذات باقی رہنے والی ہے

اسی نے دو سمندروں کو جاری کیا کہ آپس میں مل جائیں، اہم ان دونوں کے درمیان ایک آڑ ہے جس سے وہ تجاوز نہیں کرتے پس تم دونوں اپنے رب کی کس کس نعمت کو جھٹلاؤ گے؟

اور اسی نے مخلوقات کے لیے اس زمین کو بنایا ہے - اس میں میوے اور خوشے والے کھجور کے درخت ہیں - اور بھوسے والا اناج خوشبو والے پھول ہیں - پس (اے جن و انس !) تم دونوں اپنے رب کی کس کس نعمت کو جھٹلاؤ گے؟

اور اسی نے اس آسمان کو بلند کیا اور ترازو قائم کی_ تاکہ تم ترازو (کے ساتھ تولنے) میں تجاوز نہ کرو _ اور انصاف کے ساتھ وزن کو درست رکھو اور تول میںکمی نہ کرو

اور زمین کو ہم نے پھیلایا اور اس میں پہاڑ گاڑ دیے اور ہم نے زمین میں معینہ مقدار کی ہرچیز اگائی - اور ہم نے تمہارے لیے زمین میں سامان زیست فراہم کیا اور ان مخلوقات کے لیے بھی جن کی روزی تمہارے ذمے نہیں ہے

اور بتحقیق ہم نے آسمانوں میں نمایاں ستارے بنا دیے اور دیکھنے والوں کے لیے انہیں زیبائی بخشی - اور ہم نے ہر شیطان مردود سے انہیں محفوظ کر دیا ہے - ہاں اگر کوئی چوری چھپے سننے کی کوشش کرے تو ایک چمکتا ہو اشعلہ اس کا پیچھا کرتا ہے

اور بتحقیق ہم نے آپ سے پہلے بھی گزشتہ قوموں میں رسول بھیجے ہیں- اور ان کے پاس کوئی رسول ایسا نہیں آیا جس کا انہوں نے استہزاء نہ کیا ہو - اسی طرح ہم اس ذکر کو مجرموں کے دلوں میں سے گزارتے ہیں- کہ وہ اس (رسول) پر ایمان نہیں لائیں گے اور بے شک پہلوں کی روش بھی یہی رہی ہے

اس دن آپ مجرموں کو ایک ساتھ زنجیروں میں جکڑا ہوا دیکھیں گے - ان کے لباس گندھک کے ہوں گے اور آگ ان کے چہروں پر چھائی ہوئی ہو گی - تاکہ اللہ ہر نفس کو اس کے عمل کی جزا دے، اللہ یقینا بہت جلد حساب کرنے والا ہے