باس کردني ڕوواڵەتي پێغەمبەريي

«ئێمام  حەسەني موجتەبا(ع)»فەرموويه:له خاڵۆم «هيند کورێ ئەبي هاله» که له وەسفکەراني پێغەمبەري خودا(ص) بووه,ويستم نەختێ پێغەمبەرم بۆ وەسف بکا تا بەم جۆره خۆشەويستيم بەو حەزرەته زۆرترەوە بێت.

خاڵۆم قەبووڵي کرد و وتي: کەسايەتيەکي هەبووه  که له ڕووانگەي هەر کەسێکەوه,شکۆدار وگەوره و مەزن دياري ئەدا.ڕوومەتي له درەوشاوەئيدا وەکوو مانگي شەوي چوارده بووه وباڵاي  له کەساني کورتەباڵا,بەرزتر بووه و له باڵابەرزەکان,کورتتر بووه.

سەر ئەو حەزرەته  گەوره و پرچي لوول بووه وئەگەر قژي کورت نەده کردەوە, له سەر سەريەوه بڵاو دەبووەوە  وئەگەر کورتي نەدە کردەوە,له نەرمي گوێي زۆرتر نەدەبوو.ئەو حەزرەته خاوەني ڕوومەتێکي سپي و نووراني و تۆڵێکي پان وبەرز بووه.

برۆکاني کەواني و کێشراوه بووەو هەر چەند برۆي پەيوەست بووه,بەڵام  وا ديار بوو که جيا له يەکن.له نێوان برۆکانيدا دەماري هەبووه که له کاتي تووڕەييدا,پڕ دەبوو له خوێن.لووتي درێژ وباريک بووه ونوورێکي لێوه ئەدرۆشايەوه که هەست ئەکرا که بان لووتي نەختێ بەرز بێ.